كبدة الفراخ لذيذ جداااااا
انا مكنتش بحبها خالص بس بعد ما بقيت اعملها بالطريقة دى حبتها قوى
المقادير
نص كيلو كبده فراخ مغسوله ومنقوعه فى خل وملح ربع ساعه
وبعدين بشطفها ومش بقطعها بستخدمها بحالها
بصله مفرومه - فلفل اخضر مكعبات - طماطم مكعبات
ثوم مفروم - بشر جنزبيل
جزر مبشور
ملح وفلفل ورشه شطه وكمون وبس
الطريقة
بسخن الزيت وبشوح البصل
لحد ما يحمر ويبقى بنى
ثم بضيف الثوم والكبده وبشر الجنزبيل
الجنزبيل بيدى نكهه لذيذه قوى
بس لازم تكون كميته بسيطة
واقلبهم لحدما يبدا لونها يتغير
بضيف الفلفل والطماطم واقلبهم فى الكبده
واوطى النار خالص واسيبها بظبط عشره دقايق
مش بتاخد سوا خالص
وهنا بعد ما استوت وبالف هنا وشفا
الإثنين أكتوبر 08, 2012 2:58 pm
